碧咸（David Beckham）貴為萬人迷，碧咸嫂Victoria當然都唔可以鬆懈。最近佢就自爆花大量金錢於美容扮靚，數字仲相當驚人。佢每日，注意，係每日都會用648英鎊於護膚品、366英鎊於化妝品、124英鎊於身體潤膚用品，同66英鎊於頭髮護理品，總共係1,204英鎊，即係約港幣$12,761。佢話：「我後生嗰時皮膚好差，一直都只會（用化妝）遮呢樣遮嗰樣，但好彩，我而家唔使再擔心呢樣嘢，隨住年日，你就會知道乜嘢啱自己。」佢仲話自己係透過睇相而調整自己點扮靚：「到呢一刻，我已經影過好多相、行過好多紅地氈，我睇返自己啲相就知道應該點打扮。」