【本報訊】香港航空副主席鄧竟成堪稱「公職王」，2010年退任警務處處長後，頭銜未見減少。郊野公園及海岸公園委員會主席、群策學社榮譽顧問、地質公園導賞員……除了政府相關職位，他相當積極參與義務活動，連他自己都說：「我都唔知呢份（港航）係兼職，定嗰啲係兼職，哈哈。」
鄧竟成大概有三頭六臂，笑稱退休6年都沒有「唞過」。他說，應承出任香港航空副主席一職的其中一個條件，是要繼續做原本的公務。「初初去廣播電台節目，參加青少年軍、郊野公園委員會、地質公園、足球總會、足球發展委員會，再有學校校長畀個機會我，同學生見吓面、傾吓偈，其實都好多工作。」
就像新聞博覽館，和鄧竟成看來本無任何關係，3、4年前他參與組織、慢慢推進，展館由零開始規劃，終於將在今年第一、二季試業。「香港從來未曾有咁樣一個展館，令佢喺香港出現咗，我覺得係好有意思。」
做這麼多，何求？「我哋喺香港土生土長，工作咗咁多年，累積咗咁多工作經驗，如果可以透過同啲年輕人接觸，直接或者間接都好，可以幫助香港年輕人嘅成長，咁係對整體香港有利益。」他說，這一代人退休後，便是年輕人的世界。