工程燈平平無奇，但幫佢加眼耳口鼻變成「燈人」，係本地藝術家Kila章柱基先諗到。Kila覺得工程燈似人形，於是忽發奇想喺燈上面創作，舊年夏天連續30日每日快閃一個地方畫一個唔同性格嘅人仔，尋「人」啟事吸引唔少市民搵番佢哋嘅身處之所，但唔知係咪大家太熱情，30日之後Kila本來想回收班仔女，點知全部失晒蹤，只搵得番7個。
如果仲未「潮」拜過燈人，機會嚟啦！Kila舉行第一次個人展《Twinkle Twinkle Little Guys一閃一閃小工程》，重新繪畫30個小燈人，連燈神、小關公、小娘娘乜都有，想重溫記住即日起至21號，去海港城美術館探佢哋，同場仲有新書《Twinkle Twinkle Little Guys Diary》，完整記錄Kila嘅創作經歷，以及小燈人同市民相遇嘅故事，齊齊發掘香港每個角落嘅有趣之處。