湖人新秀榜眼朗素波爾（Lonzo Ball）嘅二弟利安哲奴波爾同三弟拿美路波爾，周二齊齊喺立陶宛聯賽地標上陣，最終助維陶塔斯以90:80擊敗BC沙斯利斯；「波叔」拿化波爾同老婆都喺現場支持囝囝，最誇張嘅係呢場波喺fb直播，居然有超過10萬人睇！唔知波叔係咪畀咗好多錢贊助隊波，因為成個場去到邊都見到「波家品牌」BBB嘅標誌，場邊、底線，甚至球場中圈都有。