唔少人都知道3.11有立法會補選，但嚟緊嘅星期日係民主派新東同九西初選日，則未必咁多人知嘞！參加咗九西初選嘅前議員姚松炎為咗催谷初選投票率，亦搞搞新意思，搵嚟男神王宗堯拍片（圖），話畀大家聽初選幾咁重要。
片中嘅王宗堯1月10日出發到南非，話3.11前會返港，準備喺補選投票支持姚松炎，點知原來姚松炎喺初選出局，令專登返港投票嘅佢後悔莫及，成為3.11另類苦主。片入面公民黨立法會議員陳淑莊就話嘞，唔少人只知有補選而不知有初選，為免3.11投唔到姚教授，首要係1.14初選投票令佢出線，而姚教授組織嘅「山旮旯投票團」當日會帶支持者出動投票，呼籲大家留意周日投票詳情。