每年年頭各大銀行、券商都會開壇講股講經濟，渣打噚日亦派出三位靚仔靚女，分別講股市、債券同滙市，望真啲，講滙市嘅係前輪后趙海珠，原來佢靜雞雞去咗渣打返工，以後負責講外滙走勢!
做咗3年全職媽媽，珠珠舊年暑假重返職場，去咗弘達金融（1822）旗下弘達財經公關，做咗幾個月，聽講佢11月過檔渣打，目前職銜係財富管理業務-高級投資顧問兼董事。
記得兩年前，珠珠幫過渣打做代言人影廣告相，估唔到家陣入埋去返工。聽講，佢主要負責向客戶講解外滙市場情況，之但係，佢好似冇乜投資外滙或者講解外滙市場嘅經驗，應該要好似當年由新聞小花轉做輪后咁，慢慢學習嘞。
李華華