今時今日咩都要online，好似claim醫保咁，吓吓都要郵寄收據又要填保單號碼真係幾麻煩。宏利香港就搵來「大文豪」周柏豪sell醫保網上索償服務，標榜1分鐘就完成申請，仲唔使郵寄正本文件。
個人同團體保單客戶都可以透過網頁claimsimple.hk，提交上限3,000元住院同800元門診索償申請。客戶只需要填寫個人身份證號碼等個人資料，之後用手機拍攝收據上載，就會收到確認短信，三個工作天就收到錢。
宏利香港首席行政總監萬士家指，推出新服務後，客戶由以往平均需要3至5日時間作出申請，縮減到1分鐘完成，仲幫公司慳番唔少成本。佢希望，未來一至兩年內會有超過一半醫療索償申請透過網上進行，未來仲會新增其他功能，好似查保單內容等等。