噚日係工展會最後一日，雖然落住雨又好凍，大批長者同市民都冇有怕，喺工展會11點開幕前已經喺場外輪候，等待入場掃平貨。八方見到唔少65歲或以上免費入場嘅長者一手攞住雨傘、一手拉住手推車，把握最後機會搶購心頭好。有市民就話最後一日應該有唔少平貨，因此特意入場大手掃貨，唔少參展商則把握市民掃平貨心態，喺現場將更多貨品散貨套現。
主辦工展會嘅廠商會就話，今屆工展會嘅總銷售額再創高峯，近10億港元，打破咗歷屆紀錄，廠商會會長吳宏斌非常滿意今屆工展會嘅成績，佢話香港零售業總銷貨值去年3月起持續上升，市民消費情緒樂觀，加上訪港旅遊業復蘇，為今屆工展會銷情締造咗非常好嘅勢頭，整體嚟講持續近廿日嘅好天中，有幾日入場人次更達飽和，係近年少見。