【大律師公會改選】
【本報訊】在一地兩檢法制爭議鬧哄哄之際，名譽資深大律師、港大法律學院教授陳文敏與資深大律師戴啟思等6人，披甲出戰月中的大律師公會改選，挑戰競逐連任的現任主席林定國團隊。陳文敏認為，公會雖是專業團體，但肩負讓公眾理解法律、引導公眾討論的責任；一地兩檢外，其他涉及法律爭議的《國歌法》與23條立法陸續殺到埋身，強調公會不能太遲發聲，錯過扭轉局勢的時機：「如果市民唔知我哋爭辯嘅係乜嚟，我哋點能夠維持法治？」
記者：姚國雄
戴啟思名單成員今次出戰，源於對公會的定位與角色與現莊有不同看法。陳文敏接受《蘋果》訪問時指，公會不單是專業團體，更有維護法治和司法獨立的責任，遇到涉及公眾利益的法律、憲制如一地兩檢等問題，最懂得法制的大律師應向公眾解釋：「大律師公會係應該主動就呢啲問題去發聲，甚至乎可以係引導公眾嘅討論，令公眾更加明白乜嘢叫做法治、法律精神係乜嘢，呢個可能係我哋兩隊人（與林定國團隊）睇法一個大嘅分別。」
陳又指，公會應把握時機，在關鍵時刻發聲，而非被動而行，除一地兩檢，日後《國歌法》、23條立法，公會也不能太遲出聲，否則或錯過時機：「幾時應該出聲？幾時公會應該有一個積極投入嘅角色？定係（做）一個好被動，被人問到先至去回應嘅角色？呢個都係（與對手）一個分別。」
問及組隊參選是否不滿現屆公會過去一年未有就一地兩檢及時發聲？陳稱不能說對與錯，只是快與慢，因為早點發聲，公會的立場或可左右大局：「唔知點解當時（政府7月公佈一地兩檢方案）公會唔出聲……我哋覺得我哋（公會）可以早啲講，可能會令到個討論唔同咗，全個社會都已經講緊呢個問題（一地兩檢），喺呢個時候，我哋覺得一個有份量嘅專業團體表達意見，會唔會左右到大局？呢個係大家唔同嘅取態。」
「目前公會比較謹慎」
陳文敏形容，今次選舉是大律師行業對公會日後的一個取態之爭：「我哋（名單）相對係比較積極，我哋係走得比較前線少少，可能目前大律師公會想比較謹慎，可能要留到最後，所有嘢都清楚，最後階段先至講嘢。」
政府去年7月公佈一地兩檢安排，大律師公會至上月人大作決定後才發表聲明，指一地兩檢違憲。林定國早前解釋，擔心過早評論會引錯法律、說錯事實，陳文敏稱尊重林的解釋，但指憲制問題上，不能夠「掌握晒所有嘢先講」，又指律政司司長袁國強早於半年前已表明擬援引《基本法》第20條落實一地兩檢，公會當時理應表態，向公眾說明究竟可行與否。
陳文敏強調，法律建基於人心，大律師公會就法律問題發聲是公眾教育的一部份，人民要認識法律，法治才得以維持：「如果人民都唔知個法律係乜嘢，唔知道核心價值，唔知我哋爭辯係乜嚟，我哋點能夠維持法治？」若6人全敗，陳認為這或代表大律師認為公會現時的路線較適合，會尊重選民的選擇。