【本報訊】律政司長鄭若驊一上任，尚未處理被指違憲的一地兩檢，便要先處理家中涉違法的建築物。曾經批評前特首梁振英家有僭建的行會成員湯家驊，昨日則收口，被問到如何看待鄭若驊的僭建風波，他指不想在背後批評別人，認為這樣做是無禮貌，只稱希望她任內盡心維護法治將功抵過。
稱「唔想喺背後批評人」
湯家驊昨出席電台節目時，被問到如何評價鄭若驊有懷疑僭建物一事時，以「唔想喺背後批評人」，認為這樣做是不禮貌為由，沒有補充，他只稱：「我相信鄭若驊係了解到今次事件係令有啲人對佢感到失望，我希望呢個係一個好嘅教訓，我希望佢嚟緊呢幾年為香港人做多啲好事，更盡心盡力維護香港嘅法治，將功抵過。」
他於節目後再被問到鄭若驊的涉嫌僭建問題，湯家驊繼續替鄭若驊護航：「我唔認為呢個（僭建問題）同誠信或者工作能力係可以拉上直線關係。」他又指，鄭若驊已承認過錯，亦已表明盡量配合屋宇署調查，「如果佢（鄭）可以盡快將佢現時居所僭建部份清拆、還原，我相信唔係一個好大嘅問題」。而特首梁振英當年被揭發有僭建問題時，時任立法會議員的湯家驊曾要求梁到立法會清楚交代。
■記者姚國雄