【本報訊】個人對個人（P2P）貸款平台曾經盛行，甚至被吹捧成取代傳統銀行，不過涉嫌違法，2016年政府一錘定音，明言領牌後才可從事。陳家強對這種新型業務平台印象最深刻，「特別係內地公司，覺得fintech（金融科技）真係犀利」，但衡量社會整體利益後，當年陳家強最終未有放寬法例，放行本港P2P貸款平台經營。
飛機延誤 內險賠償即過數
P2P貸款主要以網上平台方式，拉籠個人成為貸款方及借款方，並以大數據分析後者還款能力，被譽為有力取代銀行金融中介職能。陳家強指出，當年政府討論後，認為P2P有集資成份，而且牽涉零售投資者，「衡量過改例好大工程，更大件事係牽涉《上市條例》，同整體監管精神有幾大差異，而且香港本身借錢容易，未必有市場需要」。
政府最終以現行監管框架執行，僅容許專業投資者參與P2P貸款，「事後睇番，P2P喺內地最成功，因為市場大、人數多；歐洲、美國一輪興奮後，唔係太顛覆性，因為借錢有太多方法」。
另一樣令陳家強感到印象深刻的，是內地保險公司利用金融科技降低承保成本，「例如買機票，因為搭飛機有機會誤點，你可以買延誤保險，如果遲5小時到，你一落機，賠償已經入咗去你手機錢包，飛機幾點鐘到係大數據嚟」。
還有車保，「香港人撞車後，通常會拗、報警、向保險公司報告，但喺內地，基本上只要撞車後，用手機拍片同影相，交畀保險公司，即刻分析個損壞，計到數後賠錢，話埋畀你聽下年保費會唔會增加，價格非常準確，唔使報警或理賠」。