資深演員、曾與李司棋主演無綫劇《啼笑因緣》的陳振華，昨日傳出於九龍聖德肋撒醫院病逝，終年78歲。記者昨向其好友丁羽了解，丁羽證實說：「佢走咗，佢病咗好耐，佢遺體捐去香港大學做研究。」陳振華曾演出《民間傳奇》、《啼笑因緣》、《鱷魚淚》、《浣花洗劍錄》等多部膾炙人口電視作品，十年間拍攝三十多部電視劇後，卻於80年代離開演藝圈，鑽研掌相命理，成為風水師，其後開班教配音，有指他兒子陳廷軒、陳樂文亦從事配音。
前年車淑梅曾在電台節目訪問陳振華，車淑梅昨晚接受電話訪問，說到陳振華逝世：「我都call唔到佢，我搵過佢太太冇聽電話，我16年1月訪問過佢，佢當時對眼唔係幾好，後嚟我都有搵一啲醫生去幫手睇吓，間中都有聯絡嘅，有時話好番啲，有時話唔係幾舒服，即係時好時壞，但呢一排都冇聯繫，所以我就好突然囉。」李司棋昨說：「唔知，冇聽過。係咪真，唔好亂講喎，我冇佢電話，幾十年冇聯絡。」
採訪：魯吉
