費列活特上周六喺英足盃第三圈主場守和李斯特城0:0，雖然未知最後可唔可以晉級，但門將基斯紐爾已經有一年免費pizza食。原來費列活特同pizza連鎖店Papa John係合作伙伴，對方應承只要費列活特喺呢場波可以唔失波，門將基斯紐爾就有一年免費pizza食；其實Papa John本身都諗住費列活特好難捱，特登放寬少少個條件，如果基斯紐爾每七分鐘可以保持唔失波，就會有一個月pizza送，但家陣睇嚟呢個條件係多餘嘅。基斯紐爾賽前受訪時講：「由球隊角度去諗，我哋都好想挑戰英超球隊，而如果由我自己出發，呢個獎品都幾吸引！如果有隊友入到波，我到時可能會分一塊畀佢。」