上年離開咗上海上港嘅葡萄牙籍教頭波亞斯，新一年新工就未搵到，但就率先轉行變做車手，去玩達卡耐力賽，上個禮拜六仲終於喺秘魯上演咗佢嘅地標戰。雖然預咗唔會係爭冠嗰批嘅車手，但喺今次嘅首站比賽入面，波亞斯表現都唔差，至少一次車都冇撞過，可以順利完成賽段總共242公里嘅比賽。至於成績，佢就喺92部賽車中排46位，啱啱好排名一半，落後冠軍嘅卡塔爾車手艾阿迪耶11分01秒。其實，達卡耐力賽有分兩組，分別係汽車同電單車組，原本波亞斯係想參加電單車組，後尾先被說服話玩汽車組比較適合佢。另外，佢架戰車上仲印埋上港嘅縮寫SIPG，似乎真係對呢間中超球會有感情喎！