【本報訊】屯門時代廣場5歲女童臨臨疑被父母虐待致死案件，街坊議論紛紛，齊聲譴責女童生父及繼母；而不少網民在搜索到女童父的個人facebook後，更在其網頁留言，指摘二人「你呢種人渣、 唔死都冇用！」及「等天收、等報應」，並對他們在fb貼上子女相片，表面愛護子女，背後卻做出傷害子女的做法感到厭惡，「好X憎人喺人面前扮慈父慈母」。
街坊張女士表示，雖然不認識涉虐兒被捕父母及死去的女童，但聽到女童死訊，「個心當然唔舒服，始終係小朋友，一條生命」。
「照顧唔到就送去孤兒院」
她說：「就算我屋企啲孫，都唔會用藤條打，要由細引導佢做嘢，唔應該體罰。因為有啲小朋友你越打得佢多，佢越唔聽話、越叛逆，一定要用好說話引導佢向好嘅方面，（用藤條打）我自己就唔會咁做，你都唔安樂啦！」
街坊黃小姐亦稱：「好慘，好可憐，生佢出嚟，你唔鍾意佢（小孩），照顧唔到佢，就送佢去孤兒院，但唔係咁樣打佢囉……好離譜呀……𠵱家唔係打佢，係同殺咗佢冇分別，好殘忍，一個正常人係做唔出。」黃小姐承認教導小朋友有時候會很憤怒，但會控制自己，「好嬲嗰時唔好理佢住，行開冷靜吓先」，又或是禁止子女吃鍾意的零食。她指教子女要慢慢教，若要體罰，最多「係打吓手仔」。
■記者文兆麟、黃麗英