Shine昨日到沙田為3月舉行的「SHINE MONENTS Live 2018」宣傳，他們與粉絲大玩變裝遊戲，又切燒豬預祝個唱成功。Shine表示演唱會門票已賣得七七八八，黃又南說：「好多朋友打電話問有冇飛，我哋都留咗啲嘅，不過都頭痕，唔知夠唔夠。」至於會否加場？徐天佑指兩場已很滿足，寧願再開part 2：「一步一步嚟啦，今次爭取到四面台好滿足，下次先再加場數。」
Shine表示已努力練舞籌備演唱會，另外會邀請全女班嘉賓，黃又南大賣關子說：「總之係女歌手啦，係合作過嘅。」問他可會邀請緋聞女友珠寶商二代莊莎娜與杜如風做嘉賓？黃又南笑謂：「佢哋咪就係dancers囉，杜如風好激動㗎，上次跳上凳，俾保安叫返落嚟。」
採訪、攝影：盧妹