沙田馬場周日(7日)第十場二班1600米，練馬師告東尼派出「將令」及「幸福分享」兩駒上陣，其中「幸福分享」在港兩戰均配蔡明紹，初出得亞軍差點擊敗大灰獸「平湖之星」，盡顯潛力，但上仗再出卻走樣熱倒只得第六名，今次便隨即換上田泰安策騎。
「幸福分享」馬主黃凱汶正身處日本，但他表示正準備回港入馬場為愛駒打氣。黃凱汶說：「『幸福分享』質素應該唔錯，我對牠有一定期望。今次換人策騎，我不想講太多，因為唔想得失人，我只可以說馬兒上場冇跑過，蔡明紹未能做到告東尼的策騎指示。我也不是說蔡明紹不好，上場『幸福分享』不幸排得12檔起步，際遇唔好，紹仔可能比較緊張，走三四叠，形勢很惡劣，馬兒真是蝕唔起了，所以今次換人一試。」
「至於『幸福分享』換上田泰安，這完全是告東尼的意思，我沒有加任何意見，我好希望今場可以贏馬，讓捧場的朋友贏錢，齊齊分享幸福。其實我的養馬運都算唔錯，『幸福指數』是九捷良駒，我養馬向來抱平常心，一場14隻馬跑，個個馬主都想贏，頭馬卻只有一隻，因此每次我有馬上陣，我都順其自然，以享受賽事為主。」黃凱汶續說。
「幸福分享」今仗增程初跑田草1600米，但牠以往在愛爾蘭早在兩歲時，已勝出一哩賽，可見此程絕無問題。