熱血公民前成員朱寶生因為狂迷「雞排妹」鄭家純而廣為人知，原來佢之前曾經中招墮入美容陷阱，好彩民主黨袁海文幫佢追討，令佢可以有圓滿嘅結果。
朱寶生就話，因為以前參加過嘅政治組織，自己對民主黨本身好大成見，而自己對於係唔係搵袁海文幫手都十五十六。不過袁海文接受佢求助時都冇理佢背景，用心幫佢爭取。朱寶生話，民主派需要袁海文咁嘅人，仲話支持佢參與初選。
至於袁海文就話，好感激朱寶生支持，而自己至今處理咗接近400宗美容騙案，當中更加有民建聯、自由黨嘅支持者同職員，自己唔會因為政治因素而唔接受求助。佢又形容，獲得受助者支持，對自己而言係最有滿足感。