大坑東遊樂場有一個俾攀藤植物包圍、全港最大嘅地下蓄洪池，原來呢個儲水庫總容量有成10萬立方米，足足有成40個奧運標準泳池咁大，但長期唔開放畀公眾參觀。
首次以藝展方式開放
不過，蓄洪池由今日起至本月31日，將首次以藝術展覽方式開放畀公眾，展出新媒體藝術家伍韶勁作品《大禹之後》，利用光與影製成的大型藝術作品。
90年代，本港每逢豪雨季節，旺角不時水浸，傳統解決做法係加建地底幹渠，但工程會牽連全區停水停電，於是渠務署2004年建成首個地下蓄洪池。伍韶勁話，「（獲渠務署首肯時）嚇咗一跳，呢個計劃唔簡單，能夠畀我哋做係非常之難得」，他用90把風扇及5塊長形大紗布，再以電腦程式控制藍燈及風扇開關，模擬水在蓄洪池裏嘅流動效果，配合寧靜音樂，令參觀者不期然屏息。
日期：2018年1月6日至1月31日，逢周二至周日（須預先網上登記）
地點：深水埗大坑東遊樂場內大坑東蓄洪池
登記： http://www.afterthedeluge.com/