通常喺大賽日，練馬師大摩先會走落機坪接馬，近距離觀察馬匹狀態。雖然周日（7日）有場三級賽洋紫荊短途錦標上演，而大摩有派出「新力風」及「駿皇綵」出擊，但佢今朝（4日）晨課最留意嘅，反而唔係上述兩匹馬，而係角逐第十場二班1600米嘅「信心保證」。
現年四歲的「信心保證」來港即獲評磅員賞識，起步評分高達90分，肯定是大馬主蕭百君家族今季打吡武器，難怪大摩如此重視。
雖則上仗初出田草1400米一戰，配潘頓下只得第五，但僅敗今季大熟大勇嘅「平湖之星」個幾馬位，初戰嚟講已算唔錯，今仗增程下配貝湯美，兼抽得有利1檔，加上呢朝嘅注目舉動，似乎補中機會甚大。