外國人一向like爆有中國特色文化，而香港曾經出產嘅瓷畫，就連港督夫人都係粉絲。瓷器最出名係景德鎮，但清朝只有廣州通商，聰明商人就度到喺景德鎮請師傅嚟廣州，教本地人畫彩瓷，然後由景德鎮運嚟白瓷胎加工，呢類瓷器質素唔差，外銷不知幾成功。
而1928年建廠嘅粵東磁廠，就係以製廣瓷出名，八方聽聞唔只本地人，連怡和大班、港督麥理浩嘅夫人，都搵佢哋製瓷器畫花紋圖案。隨住歲月流逝，呢門手藝日漸式微，粵東亦成為香港僅存嘅手繪瓷器廠，現時磁廠剩番4位師傅，大部份都畫咗瓷畫近40年。
趁成立90周年，磁廠同時代廣場合作，今日起至21號搞展覽，仲有師傅即場示範繪瓷㖭呀。有興趣嘅市民不妨去睇下，呢啲瓷畫點解俘虜到大班同督太嘅歡心。