藍牙喇叭現在一街都係！要好聲有好聲，要價錢平啲？一百幾十都買到個，不過最近行場見到呢一款，就別具另一番風味，因為機身設計有點Emoji風，如果你都係成日傳訊息鍾意用Emoji，或者佢會合你心意。
呢款最新小喇叭，名字叫做Jamoji藍牙喇叭（$299），機身有四種造形，分別為Kiss、Heart、Trouble及LOL，全部都係大家日常最愛用的符號表情；不過最重要佢並唔係大家成日買到的國產淘寶嘢，全部都是從美國進口，除一般藍牙播歌之餘，機身仲內置有LED燈效，每次叉電後續航力有6小時。
接駁好簡單，與一般藍牙喇叭相若，長按PLAY掣，操作燈會馬上閃動起來，這時以播放器或手機的藍牙搜尋功能，就可連接上。至於音效表現方面，雖然機身細小，只有巴掌大小，不過音量相當大，不過可惜分析力就一般，但以數百元價位，算尚可接受，不過肥通發現聲底有一點沙沙聲（類似靜電聲），希望以後會有所改善。
這件產品另一好玩處，當然是LED燈效，除了一直長開着外，機身還內置有「閃燈模式」，簡單理解就是會按着所播歌曲的音量大小與節奏，LED會或光或暗表達出來，如果以它在夜晚播歌，當真有另一番風味。
查詢：facebook＠Broadway
記者：朱崇德
攝影：劉永發
全新旅遊專頁，即like籽想旅行： https://fb.com/travel.appleseed