呢排新股市場好熱鬧，噚日亮點就有隻「父子兵」收租股晉安實業（2292），主席王聰德除咗喺香港投資物業經驗好豐富之外，原來兩位公子仲好幫得手，齊齊拍住上，三位仲餅印一樣!
家陣只得29歲嘅財務總監王家揚，原來喺港大讀BBA（會計及金融），畢業之後先後喺羅兵咸永道，同埋渣打金融市場部做過；見識完江湖，就返去做乖乖仔幫下爸爸手。
王家揚阿哥、公司總經理王文揚同樣年輕有為，雖然物業投資經驗得兩年多啲，但原來佢係一名註冊執業醫生！之前就喺英國倫敦一間醫院做高級醫生，目前負責公司物業部門。
睇番之前嘅報道，原來王聰德家族都幾鍾意入馬場！幾年前兩兄弟帶埋女朋友現身拉頭馬，仲唔小心「驚艷」馬場㖭！
李華華