行會成員葉國謙囝囝葉亦楠係上市公司行政總裁（CEO），老豆自己亦都坐緊兩間上市公司董事職位，不過佢噚日辭任咗創板股中國新華電視（8356）獨董一職，話要投入更多精力做其他嘢，唔通啱啱當選人大好忙？
留意番，中國新華電視大股東係新華社，持有近61.65%股權，係阿爺旗下嘅電視宣傳頻道，旗下有中文台亦有英文台，2010年1月1日正式啟播。所以由建制派嘅葉國謙做獨董，一啲都唔奇嘅。
另一方面，葉國謙仍然坐緊另一間上市公司、主力建築嘅盈信控股（015）獨董，可能係因為同主席魏振雄friend。同埋盈信旗下有另一間上市公司安保工程（1627），CEO正是囝囝葉亦楠啊。
李華華