由模特兒轉型當演員近年不乏例子，今次示範、身高177cm的24歲拉丁混血女模盧慧敏（Amy Lo），成為余文樂自家品牌「MADGIRL」首位女模特兒後，瞬即成為廣告界寵兒，去年更入屋拍攝ViuTV電視劇 《Kai Pop》，今年亦有份參與另一部新劇集，走勢不俗。
Amy本身沒有演戲經驗，由模特兒跳入電視圈當然也有一定難處，「我都係本住一個試吓嘅心態，冇諗住自己咁高可以做戲，外表上又有啲mix，通常都會想搵啲入屋啲嘅樣，真實感多啲，會想搵啲喺街度見得到嘅人。」近年有不少新進演員，對於競爭Amy說自己沒有太大野心，「我會enjoy已經有嘅嘢，就算係乜嘢角色、廣告，又或者𠵱家訪問，都係一個機會。」
似男神多啲
Amy外表甜美，性格大剌剌，但反而最想挑戰人格分裂或陰暗角色，「因為演過嘅廣告同劇集，性格都係開朗，我冇接觸過咁陰暗嘅自己，所以好想試吓。」問到被封女神，「女神應該係一個有距離感嘅人，我同任何人都講到嘢，係冇乜所謂嘅人，我個人又高，性格又男仔，可能叫我男神好啲。」
更多精采時尚內容，盡在 http://add.appledaily.com。