盛產「精英」的男校，校方勸家長，自行收生階段遞表時謹記貴精不貴多，只能遞交二十份課外活動證書紀錄，多出來的，校方有權叫家長即時篩走，無得留低。
二十項課外活動門檻太低了，看扁了我們精於操練的尖子第三代。自信爆棚，預計DSE拎好多星星的優等生，怎麼回應奶媽的精英心態論？拍奶媽馬屁的湯渣漏嘴，篤爆精英根本唔係衰嘢，香港社會，從來都係精英主導。上流之中，邊個唔係名校畢業，難道奶媽自己那家中學係野雞品牌？在政府部門搏殺36年，步步高升，原來骨子裏自問不是精英只係一個擔屎唔敢偷食的聽話庸才？有咁賤？
向來以精英心態勞役下屬的林鄭，忽然反轉豬肚，痛批咁高咁大的「同行」，disconnect那些獅子山下發到圍的同輩，緊貼國家指令，跪叩習帝做百份百的yes mom。精英，被林鄭騎劫；精英心態，被林鄭性侵！哎喲，公會主席還露出比底褲更危險的底線說「只要政府承諾下不為例…」叫犯案纍纍的色魔應承一地兩檢，只此一次嗎？不就等於叫暴龍家長只印二十份課外活動成績單給校方，那位媽咪咁啱又係叫做林太，當堂黑面反白眼。