因4名民主派議員被DQ而出缺嘅議席3.11補選。對參選人而言，選舉經費相信係考慮出選與否嘅重要因素，有意參與新東補選嘅沙田區議員陳國強就諗到以借錢方式籌募選舉經費，向朋友借80萬元作補選開支，強調「有借有還」，年息十厘仲要一年還清！
陳國強話，自己非常不滿現有民主派參選人嘅表現，認為要畀選民多一個選擇，決定參選。
佢話自己同本土派素有來往，但又唔係港獨或本土，亦未有爭取青年新政支持。問到前年報名參與立法會選舉時，未出選已被選舉主任DQ，佢話今次參選會簽署確認書。
提到選舉經費，陳國強話𠵱家本土派義士正缺錢支援，佢覺得眾籌參選係唔合乎正義原則，所以改為借錢參選，預計借到80萬，佢連借據都已經印埋，一定有借有還咁話。