立法會3.11補選真熱鬧，民主派內蠢蠢欲動嘅人不計其數，連一啲所謂「素人」嘅無黨派人士都想分一杯羹。一個名為「創。新。香港+」嘅組織今日會舉辦成立典禮、創會會長李德豪更會宣佈積極考慮參選新東補選，究竟呢位李生係何方神聖？
睇番佢哋份採訪通知，講解成立因由時由反國教到佔領令青年人政治覺醒，由DQ立法會議員至收緊《議事規則》都有提及，但講完呢啲大環境，卻轉到去人工智能嘅發展，話香港喺創科範疇「有種子、沒土壤」，大意係發展停滯云云，於是呢個組織就出現，希望幫手推動創科，亦要向世界體現香港青年人嘅獅子山精神。
有民主派中人話，呢個組織嘅fb page都係早幾日出現，霎時間成立，仲要戰七國咁亂嘅新東補選，極大可能屬建制陣營！