「喪禮，就似為人撰寫最後嘅故事」。前突破雜誌總編輯吳思源，多年來出版書刊寫作為業，人生下半場卻走進殯葬業，出入棺材舖和醫院，統籌不一樣的喪禮，透過文字、音樂、展覽和家人的緬懷分享，為逝者述史，作最後告別。「講佢有咩銜頭，不如話畀人聽， 佢究竟係一個點樣嘅人」。
「我一直覺得，好嘅喪禮，可以畀至親感到多一啲安慰」。在他眼中，小人物，也有自己的故事。一個賣魚的小販，也是一個溫暖的爸爸；一個一生只揸過102號巴士線的車長，在兒女心中，是遇意外處變不驚的英雄。由吳思源主理的喪禮，有關生前點滴的述史部份，總是不可或缺。
舉行另類喪禮 治癒遺屬
「有個喪禮特別深刻，係個做咗政府30幾年嘅公務員，不幸退休唔夠一年就證實患腦癌，家人最初覺得冇嘢好寫，但我認真做咗訪問，寫完整理好電郵家人，諗唔到第二朝佢姊姊致電我，話睇完，終於接受到弟弟離世嘅事實」。在他眼中，文字有治癒作用，表面再平凡的人，也有自己的故事，「攞咩勳章、人大政協委員？不如話畀人聽究竟佢係一個點樣嘅人，點樣同家人相處」。
擅於平凡之中發掘動人故事，大抵是吳思源的專長。中大社會系畢業即加入突破雜誌，只兩年就升任總編輯，人生下半場卻以門外漢身份，由零開始跳進被外界視為封閉又保守的殯儀業，又堅持執筆為平凡人述史，舉行不少人眼中的另類喪禮。
為甚麼喪禮只能在殯儀館舉行？為甚麼生前愛靚的後生女，死後骨灰只能藏身老氣橫秋的玉石骨灰盅？覺得大有空間改革卻苦無門路，吳思源2010年與朱耀明牧師發起成立完美句號基金會，幫助無依者籌辦喪禮及提供臨終關懷服務，是缺口，「頭炮參與籌辦華叔司徒華嘅安息禮，但因為當時唔係持牌殮葬商，接遺體、訂火葬場都要假手於人」。
3年多前找來老行尊作盲公竹，成立「愛百合」，以自負盈虧方式經營，擴大服務範圍，57歲創業，千辛萬苦申請成為持牌殮葬商，「我哋只係5人小機構，拍檔之前做電子工程，喺美國生活多年，兩個年輕嘅禮儀統籌都係大學生，一個讀社工一個讀工商管理，全部都係半途出家，邊學邊做」。由搖筆桿到走進殯葬業，看似風牛馬不相及，但吳眼中卻一脈相通，「寫文章係將客觀嘅人同事消化整理，然後化成文字，而籌備一個喪禮，就係幫人撰寫最後嘅故事，只係除咗文字，仲會透過音樂、展覽，家人嘅緬懷分享，形式不拘一格」。
生老病死人生必經，他笑謂早視去墳場和殯儀館如去銀行、餐廳般理所當然，「就算摸到遺體或骨灰，亦唔覺厭惡，反而見到家人爭執、互相不信任更加厭惡，惟有提自己有責任幫佢哋解決問題，畢竟有家人離世，情緒不穩都係正常不過」。
■記者呂麗嬋
