這天2018年元旦日沙田跑馬，馬會命名為「好運1月1」賽馬日，於場內大搞活動，與馬迷同慶新年，每位入場人士均可獲贈匙扣、亦可跟馬會吉祥物影相外，還請來三位藝人岑麗香、泰臣（翟凱泰）同梁嘉琪到場，化身「好運之星」身份，與馬迷大玩有獎遊戲派禮物。
早前馬會為香香同泰臣拍攝咗一隻「Lucky舞」片段，放上fb宣傳，並預告佢哋今日會喺馬場再跳，但呢隻「Lucky舞」劣評如潮，被網民指太騎呢，而且「Lucky舞」個名調轉即變成冇Lucky，對馬迷賭仔唔吉利，結果馬會今日縮沙，並冇安排香香同泰臣跳「Lucky舞」，而且疑似連之前的fb宣傳亦delete post。
不過，貌美又可愛嘅香香公主，吸引力仍驚人，同馬迷玩遊戲，現場吸引三兩百人聚集，大家都興高采烈，將場內氣氛推至頂點。