F1平治車手咸姆頓聖誕節上載一段同屋企人過節嘅短片上ig，影住佢外甥仔一身可愛打扮，紫配粉紅嘅靚靚公主裙，咸姆頓隨即話佢見到外甥仔着到咁，真心覺得好sad，仲好大聲咁同外甥仔講「男仔唔准着裙！」或者「黑帝」只係諗住同外甥開吓玩笑，但就惹嚟唔少網民炮轟。雖然咸姆頓事後道歉，但外界依然繼續鬧爆，可能「黑帝」唔想再煩，於是決定刪走ig所有相當冇事發生。