習帝唔高興大家歡渡洋節，元旦繼續扮啞？好，不說新年快樂，只關注一飛沖天，因為有個一言九頂的李飛，講基本法，離地，識飛！飛天vs遁地，一帆風順的陳帆局長，揹住割地黑鑊想飛？必然做硬歷史罪人，落地獄！一地兩檢，是林鄭和高鐵大好友的大好事頭上的大咒詛。李飛升呢，陳帆跳海，那個海，在西九底下深不見底，陳帆大叫you jump，但他唔知jump咗會墮入邊條刑法，肯定的是他叫你跳的是死海。
只要不是全港行內地刑法，只西九一笪地屬於習帝新時代，人大舉手機器那一關必定暢通。這樣，陸續有來的大好事會包括南九、北九……乜九都有。西九示範開了個好局，有人識do做好尾，下一個翻版西九，民x聯做民調，想係邊一區？
大媽唱紅歌的噪音令居民崩潰的旺角好嗎？行人專用區歸內地管轄，等如船灣淡水湖被蝗蟲接管，這不是人大說了算咁簡單，而係物競天擇的強國邏輯生態，MK原居民，想早唞，放生大媽，搬去豪宅區咯。林鄭都叫你，咁驚就瞇埋眼無睬李九頂，咪搭高鐵，別碰西九。有糊？唔食！