記得去年國家主席習近平7.1嚟過香港嗎？佢喺新班子就職禮致辭時向港獨發出警告，而習大大似乎對此訪港行好上心噃，中央電視台噚晚播出習大大嘅新年賀詞片段，重點唔係落在內容，而係佢嘅辦公室書架，竟然放咗訪港時候嘅相片。
央視官方微博報道，片段顯示習大大office嘅書架中，擺放咗15張相，當中9張原來係首次出現，包括佢去年6月30日訪港期間，喺少年警訊永久活動中心同一批少年警訊成員嘅合照，同場仲有時任特首梁振英！
報道引述習大大當時話青少年係祖國嘅希望，每一代嘅青少年都有自己嘅歷史使命同機緣，呼籲當代港青把握歷史機遇，選擇正確道路，報效香港同國家。