民主黨創黨主席、資深大律師李柱銘囝囝李祖詒（Joseph）加入咗資深大律師林定國支莊，參選1月18日嘅大律師公會改選；李柱銘則力挺林定國嘅對手資深大律師戴啟思，Joseph同民主之父唱對台，戲碼十足。
林定國名單公佈咗Joseph嘅參選宣言，表明對林定國信心十足，認為林係帶領公會前行嘅理想人選，相信佢會捍衞法治。
至於戴啟思支莊，佢哋日前公佈咗一張有近60位大律師嘅支持名單，計埋早前10人提名名單，一共有70人支持。兩份名單加埋有14位資深大律師，除咗李柱銘、余若薇、梁家傑外，仲有陸貽信、大律師公會前主席林孟達等，呢場法律界大戰，仲唔係今年初首場矚目戰事？