導演陳德森昨日到柴灣青年廣場出席電影分享會，向年輕人分享當年憑《十月圍城》獲金像獎「最佳導演獎」故事，他說：「背景係清朝，好多演員要剃頭，但拍攝時上海天氣好差，好多日都開唔到工，演員又就快冇期。」幸好陳可辛、董瑋及劉偉強義務到上海幫手，所以領獎時，陳德森對劉偉強說：「個獎你都有份，你都攞一陣啦。」