今朝（29日）沙田馬場進行四組泥地試閘，各路人馬都顯得好忙碌，其中有位騎師的衣着特別出位，真係離遠見到都覺得佢好醒神。
呢位騎師就係今季有機會阻止雷神連續四季稱霸香江的潘頓，呢朝佢上身就着咗一件以粉藍色為主調的外套，衣領全紅色，衫袖則黃紅相間，再加上蛋黃色拉鍊，成件衫溝出嚟嘅色彩視覺可謂超勁sharp，自然吸引到全場目光。
《蘋果》記者一問之下，原來呢件咁搶眼嘅外套，係潘頓呢位前香港冠軍騎師專登喺日本買返嚟着嘅。
細心一睇，佢件外套唔單止後面有個巨大馬頭骷髏圖案，前面仲有四個圓型logo，其中一個刻上「No horse no life」，意思係冇馬冇命。
潘頓以賽馬作為自己職業，當然就係「No horse no life」啦！
==============================================================
【minigame】2017瘋暈人物 返工打機唔使擇日
http://bit.ly/2CeWQkP