全新旅遊專頁，即like籽想旅行：https://fb.com/travel.appleseed
英國人好重視聖誕聚餐，會預備大量食物，好多時都會食唔晒。於是係Boxing day，就會整一種叫做Bubble and Squeak嘅傳統特色菜式，將前一晚食剩嘅肉、薯仔、蔬菜等餸頭餸尾切碎，再煎成大大塊類似薯餅的菜式。
Bubble and Squeak最早源於19世紀初，菜名直譯係「泡泡與吱吱聲」，好搞鬼。大部份人想像「吱吱聲」係形容緊炒菜時發出的響聲，不過真實的名稱由來已經難以考究。Bubble and Squeak通常包含薯蓉、紅蘿蔔、椰菜、洋蔥等等，也可以加點芝士、內碎，再來點鹽和黑胡椒調味。煮法可以千變萬化，基本上將所有材料切碎、拌勻、炒香再壓成餅狀就成事，口感豐富、香口惹味。
有人覺得Bubble and Squeak係吃「冷飯菜汁」的窮人菜式，但其實佢亦係物盡其用的環保菜式。聖誕節完咗，除夕未到，大家仍有唔少party未去吧？萬一食剩嘢，不妨參考吓英國人嘅做法。
記者：李珮禎