下周一（18年1月1日）田草11場賽事用B加2跑道，睇番上季元旦日亦係用B加2欄角逐，賽果具參考性。
當日十場轉彎路程賽事，放頭馬匹無一能勝，反而居中後上馬連場建功，其中「搖錢樹」（霍利時馬房）、「錶之星」（蘇保羅馬房）（已退役）、「金剛仔」（鄭俊偉馬房）及「四季旺」（沈集成馬房）更加係從尾叠位置後上反先對手勝出，信數據的話，憑後勁食糊之馬匹則不妨優先留意。
下周一各場參戰馬當中，重頭戲第十場國際三級賽華商會盃，告東尼四路興兵，要猜主力誰屬可能唔係咁易，惟其中「美麗大師」四次角逐田草B加2欄賽事獲兩勝兩位，後上馬似乎特別適合在此欄位發揮，絕對有力重振雄風。
另外，第九場三班1800米鄭廐「金剛仔」曾於田草B加2欄兩勝，亦係全場唯一贏過此欄位之參戰馬，或可再次於元旦日贏馬揚威。