立法會3.11補選，民主派已就九龍西、新界東舉行初選，明年1月有結果，毋須初選的港島區，民主派決定支持香港眾志周庭出戰。但有港島區民主派人士直言，就算民主派聯手支持，周庭的勝算只屬一半半，因港島區民主派選民一般比較「有性格」，「唔係話各個政黨呼籲過票畀周庭、佢哋嘅支持者就會跟住做」。
該民主派中人稱，今次補選是變相單議席單票，單靠支持香港眾志的選民，不足以令周庭勝出，必須集合民主、公民、工黨支持者，周庭才有望壓倒盛傳代表建制參選的新民黨陳家珮，但最大問題是建制派要集中票源撐陳家珮，比民主派要集中票源撐周庭容易。
民主黨支持者或拒過票
他以2016年立會選舉作分析，指公民、工黨呼籲支持者過票給周庭相對容易，「上次立會選舉，原本陳淑莊民調支持度一直頗高，但最後低票當選，其中一個原因，就係好多支持者走去救羅冠聰，改投眾志」，所似他估計上述兩黨大部份支持者會投周庭，但民主黨港島區支持者比較保守，「佢哋有獨立思考，唔係政黨叫佢投邊個就投邊個，就算民主黨呼籲，呢班選民有幾多肯投眾志，都係一個疑問」。
他更以2007年港島區補選為例，當年民主派以陳方安生對獲建制支持的葉劉淑儀，最終陳太以175,874票擊敗得137,550票的葉劉，陳太僅小勝葉劉38,324票，得票率54.7%。今次民主派換上知名度及級數均低於陳太的周庭，並面對建制派全力動員，能否保住港島一席，仍有很大風險。
季陶
周一、三、五刊出