【硬闖立會案】
【本報訊】青年新政梁頌恆、游蕙禎聯同兩男一女前議員助理，去年硬闖立法會會議室被控非法集結案續審。原本駐守其他出入口的保安員指，驚聞女同事在混亂中暈倒後趕至救人，但遭梁游的女助理喝罵他：「救咩人呀！死開啦！」另有保安員作供指男助理罵人「鬧到走晒音」。
辯方反駁 稱曾勸人讓路
保安員劉健偉供稱，去年11月2日從對講機得悉同事陳淑嫻暈倒後，他趕至案發的會議室門口，要求女助理被告鍾雪瑩（25歲）讓路給他鑽進人群救人，鍾反罵：「救咩人呀！死開啦！」男助理被告張子龍（29歲）亦不斷用粗口責罵並阻擋他前進，逼他到牆邊。辯方指張沒以粗口鬧人，反而勸喻人群讓路給劉救人，劉不同意。
另一名保安員陳德賢作供指，雖然鍾矮過梁頌恆及在梁身後，但「梁頌恆都唔係好肥，唔會遮晒」，他從左右兩旁皆觀察到鍾推人及鬧人，大意是保安員阻撓議員開會。至於張，陳形容他「大聲嗌，喺度鬧人，鬧到走晒音，都唔知佢講乜嘢」。陳認為梁頌恆並非故意用手肘壓到他胸口及領結位，又形容人群推撞力量頗大「似打波想推開人」，但他未至於受冒犯，「大家都係做嘢啫，唔會嬲佢或者覺得唔開心」。
女保安助理蔡瑤雯供稱，在人群中曾趷高腳想「唞氣」，但人群把她擠得雙腳離地，要待「落返嚟、放鬆番先唞到氣」。聆訊今續。
案件編號：KCCC2035/17
■記者伍嘉豪