八方早前同大家分享過，民主黨東區太古城區議員趙家賢，唔止區議員咁簡單，原來佢仲係一個吹色士風嘅隱世高手。唔少人得知趙家賢呢個秘技，都叫佢快啲表演獻技，趙家賢近日就趁聖誕佳節找數，喺facebook公開露兩口。
音樂不離政治，趙家賢表演嘅曲目係大台經典電視劇《壹號皇庭》嘅片頭曲，佢話如果香港眾志周庭喺嚟緊嘅港島區立法會補選抽中嘅號碼係「壹號」，咁就好順口，即係「壹號周庭」。嗱，呢個Gag係就係爛咗啲，但趙家賢嘅表演都真係有番啲水準，而佢亦吹到好似高手咁搖晒頭，似乎有實際又有姿勢，唔知以後嘅出騷頻率係咪會更高？