香港最大牌的騎師，當然是雷神莫雷拉，很多時毋須他出口，練馬師們已乖乖奉上實力馬。而24、25號聖誕節假期大日子，雷神當然休息冇操馬，今日(26號)Boxing Day仍是紅日，本來雷神可繼續放假，但他卻特意到沙田馬場獨操一駒，可謂絕不尋常。
究竟邊隻馬請得郁雷神呢？原來就是蔡約翰馬房的「勁皇子」，由雷神親自在內圈快踱一圈，其實在上周六23號，亦見雷神到場獨操此駒，反映這匹馬在他心目中地位甚高。
「勁皇子」上季6月由雷神贏馬後，因體內含違禁物質，慘遭DQ被褫奪頭馬資格，雖然牠已缺陣半年，但並無傷患紀錄，10月至今更四度試大閘，估計短期內便會報名復出，近日雷神對「勁皇子」咁上心，無非對DQ一事心有不甘，稍後人馬合作出賽，肯定搏甩髀。