練馬師蘇保羅近期手風明顯轉順，上周三起孖後，剛戰日賽又憑「美麗寶貝」捧走新馬錦標。
周三晚(27日)谷草賽事，蘇保羅一口氣安排三匹剛於上仗造出全場最快末段時間之馬匹列陣，分別為「勇冠王」、「紅旗星將」及「天意」，其中「天意」更交由潘頓接手，估計可替馬房延續連勝紀錄。
第三場四班1650米之「天意」今季已跑三仗，首仗演出一般，不過其後一連兩仗均以全場最快末段時間追近，其中上仗騎師賽配陌生之韓偉傑，彎位移出三叠踩油，從尾叠追上中間位置，其實已用了不少氣力，拉士仍可再造最快23秒以內衝入季軍，若取位好一點，分分鐘坐亞望冠。
今仗「天意」改配潘頓執韁，翻查紀錄，潘頓今季於谷草接手五匹剛於其他騎師胯下造出全場最快末段時間之馬，取得一勝三位一第五，證明呢類爆得勁嘅馬，落入潘頓手中甚少失準。