求驗客手記：阿聯拆禮物日撲水

「拆禮物日」澳職獨腳戲，由阿德萊德聯（紅衫）主場對中岸水手，結果阿聯憑賴恩基圖喺比賽早段射入今季第五球，就咁贏到尾贏對手1:0，全取三分後重新升上第四。

不過，基圖呢球波真係要多謝兩位隊友米利奧斯歷同賴恩史特蘭，全靠佢兩個喺右路不斷撞牆，最後後者傳個波入禁區，基圖攝到位再射入。阿聯鬥完水手後，四日後再喺主場對獅吼。