現年43歲嘅後藤久美子曾經係日本國民美少女icon，佢喺21年前毅然放棄事業，為一級方程式車手阿里斯（Jean Alesi）嫁往法國，並為丈夫誕下兩子一女，多年來專心相夫教子兼過闊太生活。
後藤久美子息影多年，其10歲細仔John正喺瑞士讀書，18歲乖仔Giuliano已繼承父業做車手，而21歲大女Elena就遺傳媽咪良好基因，仲喺今年9月宣佈加入藝能界，加盟後藤久美子昔日所屬嘅Oscar Promotion事務所，明年喺日本藝能界大展拳腳。繼早前以母女檔登上雜誌《Richesse》封面後，Elena又為當地時裝書《25ans》有專欄連載，新一期就公開同後藤久美子嘅母女近照，又刊登同細佬Giuliano嘅兩姐弟老友合照，為明年正式出道先行造勢，Elena喺專欄內更透露揀男友最緊要心胸廣闊，由好朋友關係開始發展就最perfect。