王君馨昨日於油塘出席聖誕活動，她的父母也有出席支持。同場還有曹永廉與梁嘉琪，王君馨和曹永廉合作的劇集《超時空男臣》播映半年，二人首次拍檔搵真銀。最近有指蕭正楠與黃浩然在拍攝旅遊節目《公公出埠》時激嬲曹永廉，曹永廉昨日說：「拍嘅時候我係有唔開心，但係即晚已經冇嘢，我哋返嚟日日都有聯絡。」問到是否要擺和頭酒？曹永廉說：「當然要！浩然得罪人，我去已經係畀面，浩然屋企開海味舖，應該帶埋花膠去煮，得罪人係要㗎。」
另外，王君馨前日焗蛋糕慶祝聖誕，她說：「本身蛋糕只係要焗40分鐘，最終焗咗三個鐘！我即刻打畀陳凱琳求救。老公食咗一啖，都叫我下次不如買，因為見我好煩惱。」
採訪、攝影：羅慧敏