【本報訊】勝出中西區議會山頂選區補選後，楊哲安即由鄰近父母的薄扶林住所，搬至山頂選區範圍的麥當勞道，以便更易接觸及服務區內居民。他早前（11日）更不惜以在未獲政府津貼前自掏腰包租用租金高昂、距離海港政府大樓極近的中環永吉街一個樓上舖位作議員辦事處，楊解釋說：「（選址該處）係為咗區內有乜事，即刻可以走過去跟進。」
受訪遲到15分鐘因換褲
除出動銀彈為地區工作部署「硬件」，楊哲安亦獲家人「軟件」支援，除有父母協助照顧女兒，其妻子、前藝人張新悅早前亦已結束生意不錯的中環健康食品舖頭生意，專心照料家庭，只在閒時進行慈善工作。
一向「官仔骨骨」的楊更笑指，妻子更是其形象指導：「除咗襪同私人衣飾外，所有衣着、我剪頭髮嘅地方、你見到嘅（外表上）所有嘢，都係佢（太太）幫我揀。」
楊更苦笑解釋當日受訪時遲到近15分鐘的原因：「因為我出唔到街，我自己揀完出街，佢（太太）話唔得，要我換番條褲，咁咪遲囉。」他形容妻子時裝觸覺很強，「我嘅衣着已經外判咗畀太太統治」。
■記者林俊謙