拆禮物扑醒日，最爛的禮物等緊你。
垃圾。無呃人！今年廢紙圍城的奇詭異象你見過了，廢柴建制派高調自閹你開過眼界了，廢司長留下一堆蘇州屎叫繼任人食自己和迫市民陪食，這種「共享垃圾」，boxing day破禮盒而出，掃興嗎？不，來年，同類垃圾必然激增，大家ready抑或未ready都預咗要硬啃。
垃圾當禮物，你無聲出，再下一城，給你花紙包實的一地兩檢，撕爛花紙後，現身的叫做內地司法管轄權。在今日最後一個整整齊齊無割地、識條鐵的boxing day，不妨諗吓，何志平在美國出岔，據聞獲控八罪，罪成最高刑期是85年。你在西九高鐵站未上車，人已經在習大帝的天羅地網中，要判你什麼罪、坐多少年監，唔使理基本法第幾條，唔使旨意搵梁美芬律師幫你打，你條罪實屬最高人民法院的歪風審轄，西九地底有笪地方，忽然唔屬於香港法律管轄範圍，笪地唔識拉人，黨就唔敢包！西九高鐵，是習帝唔like叫cut的兩制的倔頭終站！一地兩檢「大禮」硬塞過來，無得閃，迫香港人三步走，即拆！有無「唔要，咪搞」的選項呢？冇！扑醒未！