【本報訊】盛傳律政司司長袁國強已向政府請辭，港大法律學院教授陳文敏昨指與袁就很多問題有不同看法，但認為袁過去5年多的工作「無功都有勞」。陳文敏又指對袁國強最失望，是其處理一地兩檢手法，由8年前政府聲稱所有通關方案都可商討，到今年無聲無息變成無選擇，「過程中發生乜事？佢有無（向中央）爭取過？」他認為袁可以更清晰向公眾交代。
陳文敏承認，袁國強擔任律政司司長，工作不易做，因在維護政府同時，更要維護公眾利益，「袁司長任內有啲嘢，可能可以做得更加好、更加多，我哋期望作為律政司司長，係維護成個法治嘅前線，同埋好多時要同公眾解釋番點解咁做」。對於熱門接任人鄭若驊，陳文敏希望她日後接觸中方官員時，能令對方明白港人擔憂。
沈士文亦指，袁國強處理一地兩檢時引用的法律條文，對他來說是「不可思議」，批評袁忽略考慮應用本港法律，如《基本法》第18條和附件三，反而直接引用「無厘頭」條文力推一地兩檢，做法令人十分失望。
■記者林俊謙