香港仲有吸引力？
以為老早被上海挪移大法吸乾了，再無往昔魅力，不理消費力高端？低端？
香港大街小巷商場盡是人！
唔使出城，單新界老家已被人潮吞噬，不斷被增加人口、漠視承受能力的元朗，新路無幾，城市規劃部門看來束手無策。
巿區？蘭桂坊、SoHo、置地廣場、IFC、太古廣場、整個銅鑼灣、整個旺角、整個尖沙咀……
新界？整個沙田巿及屯門市廣場、插針唔入的元朗放眼望去都是人；跡近爆炸的人潮，踏上十二月中旬，行走香港不同區域耳邊響起世界各國語言及方言人來瘋爆香港。
根本不應該坐地鐵。但不坐地鐵，如何從九龍油尖旺過海？
駛車或坐巴士過海更痛楚。
忘記黃昏5至7點地鐵乘客爆棚盛況，時近大節，人滿之盛已達沸騰。從尖沙咀過海，金鐘轉車到銅鑼灣，失策；沒直奔中環、甚至上環、港大或堅尼地城才拐回頭。
情況如走難，不用說上車，貼近人龍已不容易，等上五班列車也不樂觀。乘坐港島南地鐵到金鐘？
這段日子不論從南區還是從金鐘往返海洋公園，湧入車廂的普通話與黑、白、棕、黃各色乘客一樣爆，打崩頭迫上車，還有什麼文明可言？這個畫面跟廣州、上海、貴陽、長沙……任何一個內地城市的鐵路站都無分別，香港漸進一體化；如何保持優雅？
自身固有人口都被沖淡得面目模糊，漸次無聲我們已喪失優雅！
做好亞洲國際都會、熱熱烈烈做迎客松；官員、議員都曾經勸說：人家咁俾面嚟香港，俾錢我地賺，好快啲（舌累）飯應啦……
人成熟了，心態改變，花無百日紅；係呀，誰知一朝醒來個巿冧到散？
股巿、樓巿大幅跌到阿媽都唔認得，你以為只係歷史故事？
2018未必好年，繫好安全帶，隨時似坐下陷自殺機，跌到膽裂。面對遊客，就算閣下幾唔願意，還是放下身段跪地餵豬乸，一味笑面迎人。
人來瘋爆香江的風景下，還需給點讚揚MTR；人流安排已做得他們至好，做到世間極限，一分鐘一班車，世上一流；縱使難敵人滿爆炸，鐵路總算是老香港少數仍可辨認昔日痕跡的一項代表，面對人潮爆炸，總算處理以優雅。（當然，減少點製造噪音的廣播會更好。）